మే 19 నుంచి దేశీయ సర్వీసులు.. కండిషన్స్ అప్లయ్: ఎయిరిండియా కీలక ప్రకటన

కరోనా కట్టడికి విధించిన లాక్‌డౌన్ కారణంగా మార్చి 25 నుంచి దేశీయ విమాన సర్వీసులను నిలిపివేసిన విషయం తెలిసిందే. మూడో దశ లాక్‌డౌన్ మే 17తో ముగియనుండగా.. నాలుగో విడత లాక్‌డౌన్ కూడా ఉంటుందని ప్రధాని మంగళవారం రాత్రి ప్రకటించిన విషయం తెలిసిందే. అయితే, మరింత సరళంగా ఉంటుందని ప్రధాని విస్పష్ట సంకేతాలు ఇచ్చారు. ఈ నేపథ్యంలో ప్రత్యేక రైళ్ల పేరుతో పాక్షికంగా రైలు సర్వీసులను ప్రారంభించిన కేంద్రం.. దేశీయ విమాన సర్వీసులను ప్రారంభించనుంది. మే 19 నుంచి జూన్ 2 వరకు ప్రత్యేక విమానాలను ఎయిరిండియా నడపనుంది. లాక్‌డౌన్ కారణంగా వేర్వేరు నగరాల్లో చిక్కుకున్న ప్రయాణికుల సహాయార్ధం వారిని స్వస్థలాలకు తరలించేందుకు ఈ ప్రత్యేక విమానాలను నడుపుతోంది.

ఢిల్లీ, ముంబయి, హైదరాబాద్, బెంగళూరు నుంచి పెద్ద సంఖ్యలో విమానాలు నడవనున్నాయి. చెన్నై నుంచి ఒక్క విమానం మాత్రమే నడుస్తుందని తెలిపింది. కోచి-చెన్నై విమానం మే 19న నడుస్తుంది. ఢిల్లీ నుంచి 173 మంది, ముంబయి నుంచి 40, హైదరాబాద్ నుంచి 25, కోచి నుంచి 12 విమానాలు నడవనున్నాయి.

ఢిల్లీ నుంచి జైపూర్, బెంగళూరు, హైదరాబాద్, అమృత్‌సర్, కోచి, అహ్మదాబాద్, విజయవాడ, గయ, లక్నో సహా మరికొన్ని నగరాల మధ్య ప్రత్యేక విమానాలు నడుస్తాయి. అలాగే, ముంబయి నుంచి విశాఖపట్నం, కోచి, అహ్మాదాబాద్, బెంగళూరు, హైదరాబాద్, విజయవాడ.. అలాగే, హైదరాబాద్ నుంచి ముంబై, ఢిల్లీ,.. బెంగళూరు నుంచి ముంబై, ఢిల్లీ, హైదరాబాద్‌ మధ్య నడపనున్నట్టు ఎయిరిండియా తెలిపింది.

పౌర విమానయాన శాఖ నుంచి అనుమతి కోసం ఎదురుచూస్తున్నామని, విదేశాల్లో చిక్కుకున్న భారతీయులు స్వదేశానికి తరలింపు రెండో దశకు సిద్దమయ్యామని ఎయిరిండియాకు చెందిన ఓ సీనియర్ అధికారి తెలిపారు. రెండో దశలోనే దేశీయ విమానాలను నడపాలని ప్రభుత్వం స్పష్టం చేసినట్టు పేర్కొన్నారు. రెస్క్యూ విమానాలలో విదేశాల నుంచి వచ్చే ప్రయాణీకులు తమ సొంత రాష్ట్రాలకు వెళ్లగలిగేలా ఈ విమానాల షెడ్యూల్ రూపొందించినట్టు తెలిపారు.

కానీ, క్వారంటైన్ నియమాలపై కూడా ఆధారపడి ఉంటుందని మరో అధికారి వ్యాఖ్యానించారు. ఈ ఆపరేషన్ మే 15 న ప్రారంభం కావాల్సి ఉండగా తొలుత 17కి వాయిదా పడింది. ప్రస్తుతం మే 19 నుంచి ప్రారంభించాలని నిర్ణయించాం.. ప్రభుత్వం అనుమతిపై ఇది ఆధారపడి ఉంటుందన్నారు. ప్రకటన వెలువడిన తర్వాత టిక్కెట్‌లను ఎయిర్‌లైన్ సైట్ ద్వారా బుక్ చేసుకోవచ్చిన పేర్కొన్నారు.

LEAVE A REPLY

Please enter your comment!
Please enter your name here