కరోనాపై పోరు.. టైమ్స్ బెన్నెట్ వర్సిటీ ప్రతిపాదనకు కేంద్రం ఆమోదం

కరోనా వైరస్‌‌కు వ్యతిరేకంగా సురక్షితమైన, సమర్థవంతమైన బయోమెడికల్ పరిష్కారాలను అత్యవసరంగా అభివృద్ధి చేయడానికి వివిధ ఐఐటీలు, జెఎన్‌యూ, బెన్నెట్ యూనివర్సిటీతో సహా వివిధ సంస్థల నుంచి వచ్చిన ప్రతిపాదనల్లో 70ను ఎంపిక చేసింది. వీటి అమలు చేయడానికి శాస్త్ర సాంకేతిక మంత్రిత్వ శాఖలోని బయోటెక్నాలజీ విభాగం (డీబీటీ) నిధుల కోసం సిఫారసు చేసింది. టీకాలు, పరికరాలు, విశ్లేషణలు, చికిత్సా విధానాలు, ఇతర సాంకేతిక అంశాల అభివృద్ధికి సంబంధించినవి ఈ ప్రతిపాదనల్లో ఉన్నాయి. షార్ట్‌లిస్ట్ చేసినవాటిలో 10 వ్యాకిన్స్లు, 34 వ్యాధి నిర్ధారణ పరికరాలు, 10 చికిత్సా విధానాలు, ఔషధాలు పునర్వినియోగానికి సంబంధించి రెండు, 14 వైరస్ నివారణ పద్ధతులు ఉన్నాయి.

ఇందులో బెన్నెట్ విశ్వవిద్యాలయం ప్రతిపాదించిన డయాగ్నస్టిక్స్ (ఫ్లోరోసెన్స్ అండ్ ఎలెక్ట్రో కెమిస్ట్రీ మీడియేటెడ్ ర్యాపిడ్ డిటెక్షన్ ఆఫ్ సార్స్-కోవ్-2 న్యూక్లియిక్ యాసిడ్) విధానం కూడా ఉంది. ఇది దేశంలో కరోనా నిర్ధారణ పరీక్ష అవసరాలను నొక్కి వక్కాణించిందని శాస్త్ర సాంకేతిక శాఖ వ్యాఖ్యానించింది. డీబీటీ- బయోటెక్నాలజీ ఇండస్ట్రీ రిసెర్చ్ అసిస్టెన్స్ కౌన్సిల్ (బిరాక్) ఇతర విద్యా సంస్థల నుంచి వచ్చిన వివిధ ప్రతిపాదనలను పరిశీలించి అందులో కొన్నింటిని ఎంపిక చేసి, ఆమోదించాయని పేర్కొంది. నిర్ధారణ అవసరాన్ని దీర్ఘకాలిక అవసరాన్ని దృష్టిలో ఉంచుకుని ఎంపిక చేసినట్టు తెలిపింది.

‘కోవిడ్ -19కు పూర్తిస్థాయి స్వదేశీయ డయాగ్నస్టిక్స్ విధానం అందుబాటులో వస్తుంది.. భవిష్యత్తులో స్వదేశీ డయాగ్నస్టిక్ కిట్ల కొరత నివారించడానికి విద్యాసంస్థలకు ఆర్థిక సహాయం లభిస్తుంద’ అని పేర్కొంది. డయాగ్నస్టిక్స్ విభాగంలో ఆమోదం పొందిన ఇతర ప్రతిపాదనలలో జేఎన్‌యూ రూపొందించిన చిప్ ఆధారిత పోర్టబుల్ మైక్రోఫ్లూయిడిక్స్, ఎద్ద ఎత్తున స్క్రీనింగ్ కోసం పాయింట్-ఆఫ్-కేర్ ఆప్టో ఎలక్ట్రానిక్ పరికరం ఉన్నాయి.

ఐఐటీ- ఢిల్లీ సార్స్-కోవ్-2 డిటెక్షన్, క్లస్టర్డ్ రెగ్యులర్ ఇంటర్‌స్పేస్డ్ షార్ట్ పాలిండ్రోమిక్ రిపీట్స్, ఐఐటీ గువహటి పేపర్ మైక్రోఫ్లూయిడిక్స్ ఫారమ్ తదితరాలు ఉన్నాయి. వీటితోపాటు ఐజీబీటీ రూపొందించిన పేపర్ బేస్డ్ టెస్టింగ్ కిట్ ఫెలూడా విషయంలో టాటా సన్స్‌తో సీఎస్ఐఆర్ ఒప్పందం చేసుకుంది.

LEAVE A REPLY

Please enter your comment!
Please enter your name here