ప్రపంచంలో మనిషిని పోలిన మనుషులు ఏడుగురు వుంటారని నానుడి. అది నిజం అనిపించేలా చేస్తుంది జూనియర్ శ్రీదేవి. తాను ఏడుస్తున్న ఆహాభావాలు నెటిజన్లను విపరీతంగా ఆకట్టుకుంటుంది. అలనాటి అందాల తార శ్రీదేవి చిన్నప్పుడు ఎలా ఉంటుందో ఈ జూనియర్ శ్రీదేవిని చూస్తే సరిపోతుంది. శ్రీదేవికి కార్బన్ కాపీలా ఉండే ఈ చిన్నారి శ్రీదేవి అందాన్ని వివరిస్తూ ఓ వీడియోను సోషల్ మీడియాలో పోస్ట్ చేశారు. అంతే ఈ వీడియోను చూసిన వారందరు శ్రీదేవి అంటూ ఆశ్చర్యాన్ని వ్యక్తం చేస్తున్నారు.
అయితే శ్రీదేవి తెరంగ్రేటం సమయంలో ప్లాస్టిక్ సర్జరీ చేయించుకోక ముందు ఎలా ఉండేదో..ఈ జూనియర్ శ్రీదేవి అలానే ఉంది. ఈ వీడియోలో ఉన్న చిన్నారి ఎవరు..? శ్రీదేవికి ఈ పాపకు సంబంధం ఏమైనా ఉందా..? అని ఆరాతీసే పనిలోఉన్నారు ఔత్సాహికులు. ఇదిలా ఉంటే శ్రీదేవికి చెందిన ఈ జూనియర్ శ్రీదేవి తమిళనాడుకు చెందిన అమ్మాయిగా గుర్తించారు. బాషతో సంబంధంలేకుండా అభిమానుల్ని సొంతం చేసుకున్న అతిలోకసుందరి శ్రీదేవిలా వుంది. కళ్ళు, ముక్కు, టోటల్గా శ్రీదేవి మాదిరిగా వున్న ఈ చిన్నారిని వీడియో తీసిన తల్లిదండ్రులు వీడియోతీసి నెట్టింట్లో పోస్ట్ చేశారు. పాప భయంతో బిక్క మొహం పెట్టిందిగానీ, నవ్వితే ఆ చిన్నారి హావభావాలు మొత్తం శ్రీదేవి చిన్ననాడు ఇలాగే ఉందేమో అనిపించేలా ఉంది.