ప్ర‌పంచాన్ని వ‌ణికిస్తున్న ప్ర‌మాద‌క‌ర క‌రోనా వైర‌స్‌ను నిర్మూలించ‌గ‌ల శ‌క్తి సూర్య‌ర‌శ్మికి ఉంద‌ని తాజా అధ్య‌య‌నంలో తేలింది. అమెరికా శాస్త్ర‌వేత్త‌లు చేప‌ట్టిన ఈ ప‌రిశోధ‌న‌లో సూర్య కిర‌ణాలు.. ఈ ప్ర‌మాద‌క‌ర వైర‌స్‌ను నాశ‌నం చేస్తున్నాయ‌ని తెలిపారు. అయితే ఈ ప‌రిశోధ‌న‌ను ఇంకా వివిధ ఇండిపెండెంట్ సంస్థ‌ల ప‌రిశీలన‌కు స‌మ‌ర్పించ‌లేదు. సూర్యునిలోని అతినీల‌లోహిత కిర‌ణాలు ఈ వైర‌స్‌ను నాశ‌నం చేసే శ‌క్తిని క‌లిగి ఉన్నాయ‌ని డిపార్ట్‌మెంట్ ఆఫ్ హోమ్‌ల్యాండ్ సెక్యూరిటీలోని సైన్స్, టెక్నాలజీ అడ్వైజ‌ర్ విలియ‌న్ బ్ర‌యాన్ తెలిపారు.
Must Read:
ఉప‌రిత‌లంలోనూ, గాలిలోనూ వైర‌స్‌ను సూర్యునిలోని అల్ట్రా వ‌యోలెట్ కిరాణ‌లు నాశ‌నం చేస్తున్నాయ‌ని బ్ర‌యాన్ పేర్కొన్నారు. ఎండ తీవ్ర‌త అధికంగా ఉన్నప్పుడు, గాలిలో తేమ పెరిగిన‌ప్పుడు వైరస్ అంత‌గా విస్త‌రించ‌డం లేద‌ని, చాలా ప్ర‌తికూల ప్ర‌భావాన్ని వైరస్ ఎదుర్కొంటోంద‌ని తెలిపారు. అయితే ఎంత ఉష్ణోగ్ర‌త, హ్యుమిడిటీ లెవ‌ల్లో ఈ పరిశోధన జ‌రిగిందో తెలియాల్సి ఉంది.
Must Read:
అలాగే అల్ట్రావ‌యోలెట్ కిర‌ణాల తీవ్ర‌త, వేవ్‌లెంగ్త్‌పై కూడా స్ప‌ష్ట‌త రావాల్సి ఉంది. ఇక వేస‌విలో స‌హ‌జ‌సిద్ధ ప‌రిస్థితుల్లో ఈ పరిశోధన ప్ర‌తిబింబించ‌గ‌ల‌దా అని కొంత‌మంది శాస్త్ర‌వేత్త‌లు సందేహం వ్య‌క్తం చేస్తున్నారు. ఈ పరిశోధన తీరు తెన్నులు తెలిస్తే మ‌రింత బాగుంటుంద‌ని టెక్సాస్ ఏ అండ్ ఎమ్ యూనివ‌ర్సిటీ బయోలాజిక‌ల్ సైన్సెస్ చీఫ్ బెంజామిన్ న్యూమ‌న్ వ్యాఖ్యానించారు. త్వ‌రోలోనే ఈ ప‌రిశోధ‌న‌కు సంబంధించిన వివ‌రాల‌పై స్ప‌ష్ట‌త వ‌చ్చే అవ‌కాశ‌ముంది.
