యూనిఫామ్‌తోనే మందు, చిందు.. కానిస్టేబుల్‌కు షాకిచ్చిన ఉన్నతాధికారులు

లాక్ డౌన్ కారణంగా 45 రోజులుగా వైన్‌షాపులు మూతపడటంతో మందుబాబులు పిచ్చెక్కిపోయారు. ఇప్పుడు కాస్త ఆంక్షలు సండలించడంతో కొన్ని రాష్ట్రాల్లో మద్యం షాపులు తెరుచుకున్నాయి. దీంతో మద్యం ప్రియులు షాపుల వద్ద గంటల తరబడి నిలబడి మరీ మందు కొనుగోలు చేస్తున్నారు. కొంత మంది అయితే ఆత్రం ఆపుకోలేక రోడ్డుపైనే మద్యం తాగి డ్యాన్సులు చేస్తున్న వీడియోలు సోషల్‌మీడియాలో వైరల్‌గా మారాయి. ఇలాగే మద్యం ప్రియుడైన ఓ పోలీస్ కానిస్టేబుల్ స్నేహితులతో కలిసి మద్యం సేవించి చిక్కుల్లో పడ్డాడు. ఆయన మందు పార్టీ చేసుకోవడం తప్పు కాదు గానీ.. యూనిఫామ్‌లోనే ఉంటూ మందు తాగుతూ డ్యాన్సులు చేస్తున్న వీడియో వైరల్‌గా మారింది.

Also Read:

కర్ణాటకలోని చిత్రదుర్గా గ్రామీణ పోలీస్‌స్టేషన్‌లో రాజు చౌహ్వాన్ కానిస్టేబుల్‌గా ఉద్యోగం చేస్తున్నాడు. లాక్‌డౌన్ అమల్లో ఉన్న సమయంలో భరమసాగర చెక్‌పోస్ట్ దగ్గర అతడికి డ్యూటీ పడింది. 45 రోజుల వైన్‌షాపులు తెరుచుకోవడంతో మద్యం ప్రియుడైన రాజుకు తాగాలని కోరిక కలిగింది. దీంతో అక్కడ డ్యూటీ చేస్తున్నట్లు నటించి వైన్‌షాపులోకి వెళ్లి మద్యం బాటిళ్లు తీసుకున్నాడు. అక్కడి నుంచి ఫ్రెండ్స్‌తో కలిసి పట్టణ శివారులోని ఉల్లిపాయల పొలం దగ్గరకు వెళ్లాడు. ఓ చెట్టు కింద దుప్పటి వేసుకుని అందరూ కలిసి మద్యం తాగారు. యూనిఫామ్‌లో ఉన్నానన్న సంగతి మరిచిపోయి మద్యం మత్తులో ఫ్రెండ్స్‌తో కలిసి డ్యాన్సులు చేశాడు.

Also Read:

ఈ విషయాన్ని దూరం నుంచి గమనించిన ఓ వ్యక్తి వీడియో తీసి దాన్ని సోషల్‌మీడియాలో పోస్ట్ చేశాడు. అది కాస్తా వైరల్ కావడంతో నెటిజన్లు కానిస్టేబుల్‌పై మండిపడ్డారు. ఈ విషయం తెలుసుకున్న ఉన్నతాధికారులు అతడికి చీవాట్లు పెట్టారు. నిన్ను చెక్ పోస్టులో డ్యూటీ చెయ్యమంటే తాగి డ్యాన్స్ లు చేస్తూ పోలీసుల పరువు తీస్తావా ? అంటూ రాజు చౌహ్వాన్‌ను సస్పెండ్ చేసి విచారణకు ఆదేశించారు.

Also Read:

LEAVE A REPLY

Please enter your comment!
Please enter your name here