ప్రియురాలిపై మోజు తీరాక ముఖం చాటేసిన ప్రియుడి బాగోతం వెలుగులోకి వచ్చింది. ప్రేమ పేరుతో యువతిని నమ్మించి శారీరకంగా లోబరుచుకుని మరో మహిళతో వివాహానికి సిద్ధమయ్యాడో ప్రబుద్ధుడు. పెళ్లి చేసుకుంటానని నమ్మించి ప్రియురాలితో హద్దులు దాటి.. తీరా పెళ్లి చేసుకునేందుకు నిరాకరించడంతో గ్రామ సచివాలయ ఉద్యోగిపై కేసు నమోదైంది. ఈ ఘటన జిల్లాలో జరిగింది.
చింతపల్లి పంచాయతీ పరిధిలోని అంతర్ల గ్రామానికి చెందిన యువతి(21), అదే గ్రామానికి చెందిన కోటి కిరణ్ అనే యువకుడు రెండేళ్లుగా ప్రేమించుకుంటున్నారు. ప్రేమ పేరుతో బాగా దగ్గరైన కిరణ్.. పెళ్లి చేసుకుంటానని నమ్మించి యువతిని శారీరకంగా లోబరుచుకున్నాడు. సుమారు ఐదు నెలల కిందట కిరణ్‌కి గ్రామ సచివాలయంలో ఉద్యోగం వచ్చింది.
Also Read:
జిల్లాలోని జీకే వీధి మండలంలో ఉద్యోగం చేస్తున్నాడు. ఈ క్రమంలో కిరణ్ తన సహోద్యోగినిని పెళ్లి చేసుకునేందుకు ఏర్పాట్లు జరుగుతున్నట్లు తెలుసుకున్న ప్రియురాలు పెళ్లి గురించి నిలదీసింది. పెద్దల సమక్షంలో పంచాయితీ పెట్టింది. అయితే ప్రియురాలిని పెళ్లి చేసుకునేందుకు కిరణ్ నిరాకరించాడు. ఆమెను పెళ్లి చేసుకునేది లేదని తేల్చి చెప్పడంతో ఆమె పోలీసులను ఆశ్రయించింది.
ప్రేమ పేరుతో వంచించిన ప్రియుడిపై రేప్ కేస్, నమ్మించి మోసం చేసినందుకు చీటింగ్ కేసు పెట్టింది. బాధితురాలి ఫిర్యాదు మేరకు పోలీసులు కేసు నమోదు చేసి విచారణ చేపట్టారు. ఉద్యోగం రాకముందు ప్రియురాలితో.. ఆ తరువాత మహిళా ఉద్యోగిని పెళ్లి చేసుకునేందుకు రెడీ అయిన గ్రామ సచివాలయ ఉద్యోగి నిర్వాకం స్థానికంగా చర్చనీయాంశమైంది.
Read Also:
