ఆమె వయసు మూడుపదులు దాటింది. తన కంటే చిన్నవాడిని వలచింది. పీకల్లోతు ప్రేమలో మునిగిన ఇద్దరూ పెళ్లి చేసుకోవాలని నిర్ణయించుకుని ఏర్పాట్లు కూడా చేసుకున్నారు. ఇంతలో లాక్‌డౌన్ విధించడంతో సదరు జంట నోయిడాలోనే ఉండిపోవాల్సి వచ్చింది. లాక్‌డౌన్ మళ్లీ పొడిగించడంతో ఎలాగైనా ఊరెళ్లిపోయి పెళ్లి చేసుకోవాలని భావించి అక్రమంగా బోర్డర్ దాటే ప్రయత్నం చేసి అడ్డంగా దొరికిపోయారు. ఈ ఘటన హిమాచల్ ప్రదేశ్‌లో చోటుచేసుకుంది.
కులూమనాలీ ప్రాంతంలోని నిర్మాంద్‌కి చెందిన యువకుడు రష్యన్ భామతో ప్రేమలో పడ్డాడు. ఇద్దరూ పెళ్లి చేసుకోవాలని భావించారు. అయితే దేశంలో సడెన్‌గా లాక్‌డౌన్ విధించడంతో ప్రేమికుల జంట నోయిడాలో చిక్కుకుపోయారు. లాక్‌డౌన్ మళ్లీ పొడిగించడంతో ఎలాగైనా నిర్మాంద్ వెళ్లాలని నిర్ణయించుకుని ఓ ట్రక్కు ఎక్కేశారు. ట్రక్కు వెనుక భాగంలో ఎవరికీ కనిపించకుండా కూర్చుని హిమాచల్ ప్రదేశ్‌లోకి ఎంటరయ్యారు.
Also Read:
అయితే జిల్లాలోకి ప్రవేశించే సమయంలో స్థానిక పోలీసులు తనిఖీలు చేయడంతో అడ్డంగా దొరికిపోయారు. రష్యన్ ప్రియురాలు, ఇండియన్ బాయ్‌ఫ్రెండ్‌తో సహా ట్రక్కు డ్రైవర్, క్లీనర్‌ను పోలీసులు అడ్డుకున్నారు. వారి వద్ద ఎలాంటి అనుమతి పత్రాలు లేకపోవడంతో అదుపులోకి తీసుకున్నారు. అక్రమంగా జిల్లాలోకి ప్రవేశించేందుకు యత్నించడంతో వారిపై పోలీసులు కేసు నమోదు చేసి క్వారంటైన్కి తరలించారు. స్వగ్రామానికి చేరగానే పెళ్లి చేసుకోవాలని ఏర్పాట్లు చేసుకున్న జంట క్వారంటైన్కి వెళ్లాల్సి వచ్చింది.
Read Also:
