ఇవాంకా సహాయకురాలికి పాజిటివ్.. వైట్‌హౌస్‌లో మూడుకు చేరిన కరోనాా కేసులు

అమెరికాలో కరోనా మహమ్మారి విజృంభణ కొనసాగుతోంది. అక్కడ కరోనా బాధితుల సంఖ్య 13.21 లక్షలు దాటగా.. దాదాపు 79వేల మంది మృత్యువాతపడ్డారు. తాజాగా, అధ్యక్షుడు ట్రంప్ కుమార్తె ఇవాంక సహాయకురాలు, ఉపాధ్యక్షుడు మైక్‌ పెన్స్‌ సిబ్బందిలో ఒకరికి కరోనా వైరస్‌ పాజిటివ్‌గా నిర్ధారణ అయినట్టు అధికారులు ప్రకటించారు. ఇవాంకా సహాయకురాలు గత కొన్ని వారాలుగా ఇంటి నుంచే పనిచేస్తున్నట్టు అధికారులు తెలిపారు. ఆమెకు కరోనా పాజిటివ్‌గా నిర్ధారణ కాగా.. ఇవాంక, ఆమె భర్త జరేడ్ కుష్‌నర్‌కు కోవిడ్-19 పరీక్షలు నిర్వహించారు. ఈ పరీక్షల్లో నెగెటివ్ వచ్చినట్టు అధికారులు వెల్లడించారు. ఇవాంకా సహాయకురాలు దాదాపు రెండు నెలల నుంచి టెలీవర్కింగ్ ద్వారా కార్యక్రమాలు నిర్వహిస్తున్నట్టు అధికారిక ప్రకటన వెలువరించారు.

Read Also:

కాగా, ఉపాధ్యక్షుడికి మీడియా ప్రతినిధిగా వ్యవహరిస్తున్న కేటీ మిల్లర్‌ అనే మహిళ ఉద్యోగికి కరోనా సోకింది. ఈమె ట్రంప్‌ ముఖ్య ఉద్యోగి స్టీఫెన్‌ మిల్లర్‌‌కు భార్య. తాజా ఘటనతో శ్వేతసౌధంలో కరోనా బాధితుల సంఖ్య మూడుకి చేరింది. విధి నిర్వహణలో భాగంగా వైట్‌హౌస్‌లో నిర్వహించిన అనేక కీలక సమావేశాల్లో కేటీ మిల్లర్ పాల్గొన్నారు. గురువారం కూడా ఆమె పాల్గొన్న ఓ బహిరంగ ప్రార్థనా సమావేశంలో… అధ్యక్షుడు ట్రంప్‌ సతీమణి మెలానియా, ఉపాధ్యక్షుడి భార్య సహా పదుల సంఖ్యలో ఉన్నతాధికారులు ఉన్నారు.

Read Also:

ఈ నేపథ్యంలో మెలానియా ట్రంప్‌, పెన్స్‌లకు కొవిడ్‌ నిర్ధారణ పరీక్షలు నిర్వహించగా, వారికీ నెగిటివ్‌ అని తేలింది. ఇకనుంచి ఇద్దరికీ ప్రతిరోజూ కరోనా పరీక్షలు నిర్వహించనున్నట్టు అధికారిక వర్గాలు తెలిపాయి. అయితే అధ్యక్షుడి భద్రత విషయమై ఆందోళన చెందనవసరం లేదని శ్వేతసౌధం అధికారులు వెల్లడించారు. అధ్యక్ష భవనంలో పరిసరాలను డిసెనిఫెక్ట్ చేయడం, కనీసం ఆరు అడుగుల భౌతిక దూరం పాటించటం వంటి జాగ్రత్త చర్యలు తప్పనిసరిగా తీసుకుంటున్నామని వారు వివరించారు. అయితే ట్రంప్‌ మాత్రం వివిధ కార్యక్రమాలకు మాస్క్‌ ధరించకుండానే హాజరవుతుండటం గమనార్హం.

Read Also:

కేటీ మిల్లర్ గురించి ట్రంప్ మాట్లాడుతూ.. ఆమె ఒక అద్భుతమైన మహిళ, చాలా రోజుల నుంచి పరీక్షలు నిర్వహిస్తున్నా నెగెటివ్ వచ్చేది.. ఇప్పుడు అకస్మాత్తుగా పాజిటివ్‌గా వచ్చిందని వైట్‌హౌస్‌లో జరిగిన సమావేశంలో అన్నారు. మిల్లర్ తనను కలవలేదు, కానీ పెన్స్‌తో కాంటాక్ట్‌లో ఉన్నట్టు చెప్పారు. ట్రంప్ వ్యక్తిగత సిబ్బందిలో ఒకరికి గురువారం పాజిటివ్ వచ్చిన విషయం తెలిసిందే.

Read Also:

LEAVE A REPLY

Please enter your comment!
Please enter your name here