సాధువు ‘పొగ’తో 300 మందికి కరోనా సోకిందట.. ఆ వార్త నమ్మొద్దు

క్లెయిమ్:

హిం దూ సాధువొకరు తాగిన హుక్కా 300 మందికి కరోనా సోకడానికి కారణమైందంటూ ఓ హిందీ పత్రికా కథనానికి సంబంధించిన క్లిప్పింగ్ వాట్సాప్‌లో చక్కర్లు కొడుతోంది. కొంత మంది నెటిజన్లు ఈ వార్తా క్లిప్పింగ్‌ను ట్వీట్ చేయడంతో అటు ట్విటర్‌లో.. ఫేస్‌బుక్‌లోనూ వైరల్ అవుతోంది. జైపూర్‌లో ఈ ఘటన జరిగిందంటూ ఓ న్యూస్ ఛానెల్ కూడా వార్తను వండి ప్రసారం చేసింది. జైపూర్‌లోని ఓ ఆలయంలో ఉండే సాధువు తనతో పాటు ఉండే పూజారులతో పాటు కొంత మంది భక్తులకు కరోనా అంటించాడని ఆ వార్త కథనాల సారాంశం. జైపూర్‌లోని ఆ ఆలయం కరోనా వ్యాప్తికి కేంద్రంగా మారిందని పేర్కొన్నారు. ఇంతకీ ఇందులో వాస్తవం ఎంత?

సాధువుకున్న హుక్కా తాగే అలవాటు పెద్ద చేటు చేసిందని వార్తా కథనంలో రాసుకొచ్చారు. ఈ సాధువు అదే ప్రాంతంలో పాలను విక్రయిస్తారని పేర్కొన్నారు. దీంతో కరోనా కల్లోలం రేగిందంటూ ప్రచురించారు. రాజస్థాన్ రాష్ట్రానికి చెందిన ఓ హిందీ పత్రికలో ఏప్రిల్ 25న ఈ వార్తా కథనాన్ని వేశారు. ఆ సాధువుకు కరోనా పాజిటివ్‌గా తేలడంతో అతడి కాంటాక్ట్ అయిన వ్యక్తులు, వారి కుటుంబ సభ్యులందరినీ క్వారంటైన్‌కు తరలించారని.. జైపూర్‌లో ఈ ఘటన తీవ్ర కలకలానికి కారణమైందని రాసుకొచ్చారు.

Also Read:

ఈ వార్తా క్లిప్పింగును అబ్దుల్ కలామ్ అనే పేరుతో ఉన్న ట్విటర్ అకౌంట్ ద్వారా షేర్ చేయగా.. ప్రముఖ జర్నలిస్టు, ఇస్లామోఫోబియాకు వ్యతిరేకంగా పనిచేస్తున్న యాక్టివిస్టు అలీ సోహ్రాబ్ రీట్వీట్ చేశారు. దీంతో ఇది మరింత దుమారం రేపింది.

అరుణిమ అనే మరో నెటిజన్ ఇదే అంశాలతో కూడిన న్యూస్ ఛానెల్ కథనానికి సంబంధించిన వీడియోను షేర్ చేశారు.

వాస్తవం:

ఈ వార్తా కథనం పూర్తిగా అవాస్తవం. రాజస్థాన్ ప్రెస్ ఇన్ఫర్మేషన్ బ్యూరో ఇది అని పేర్కొంది. ట్విటర్ ద్వారా అందుకు సంబంధించిన వివరాలను వెల్లడించింది. #PIBFactCheck అనే హ్యాష్ ట్యాగ్ జత చేసింది. జార్ఖండ్‌కు చెందిన ‘న్యూస్ జార్ఖండ్’ అనే వెబ్‌సైట్ కూడా ఈ వార్తా కథనం పూర్తిగా అవాస్తమని పేర్కొంది. వార్త కథనంలో పేర్కొన్నట్లుగా జైపూర్‌లో ఎలాంటి ఘటన చోటు చేసుకోలేదని.. అందుకు సంబంధించి ఎలాంటి ఆధారాలు లేవని జిల్లా కలెక్టర్ తెలిపినట్లు వివరణ ఇచ్చింది.

తీర్పు:

టైమ్స్ ఫ్యాక్ట్ చెక్ బృందం పరిశీలనలో ఈ వార్త ఫేక్ న్యూస్ అని తేలింది. అందువల్ల జైపూర్ నగరంలో ఓ హిందూ సాధువు 300 మందికి కరోనా సోకడానికి కారణం అయ్యారంటూ సోషల్ మీడియాలో వైరల్ అవుతున్న ఈ వార్త ఫేక్.

Also Read:

LEAVE A REPLY

Please enter your comment!
Please enter your name here