ముదిరిన టిక్‌టాక్ పైత్యం.. పోలీసులపైనే వీడియోలు.. దిమ్మతిరిగిపోయే షాకిచ్చిన ఖాకీలు

పైత్యం ముదురుతోంది. కొందరు యువకులకు క్రియేటివిటీ ఎక్కువై చిక్కుల్లో పడుతున్నారు. టిక్‌టాక్‌లో విపరీతమైన ఫాలోయింగ్ తెచ్చుకుని ఫేమస్ అయిపోవాలన్న కోరికతో ఇష్టమొచ్చిన రీతిలో వీడియోలు చేస్తూ ఇబ్బందులకు గురవుతున్నారు. కొందరు యువకులు ఏకంగా పోలీసులపైనే అభ్యంతరకర వీడియో తీసి అడ్డంగా బుక్కైపోయిన సంఘటన ముంబైలో జరిగింది.

పోలీసులు లంచం తీసుకుంటున్నట్లుగా టిక్‌టాక్ వీడియో తీయాలని భావించిన యువకులు పోలీసులకు దొరికిపోయారు. బాంద్రా ప్రాంతానికి చెందిన అవినాష్ వర్మ(26), జలిమ్ సిద్దఖీ(20), సల్మాన్ షేక్(22), సాజిద్ షేక్(24), నఫీజ్ అన్సారీ(28) అప్‌లోడ్ చేసేందుకు పోలీసులు లంచం తీసుకుంటున్నట్లు వీడియో తీయాలని భావించారు. పోలీసుల మాదిరిగా ఆటో డ్రైవర్‌ని ఆపి డబ్బులు డిమాండ్ చేశారు.

Also Read:

అదంతా వీడియో తీసి టిక్‌టాక్‌లో అప్‌లోడ్ చేశారు. ఆ వీడియో అభ్యంతరకరంగా ఉండడంతో వీడియో తీసిన వారిని గుర్తించిన పోలీసులు ఐదుగురిని గుర్తించారు. వారిని అరెస్టు చేసి కటకటాలవెనక్కి నెట్టారు. లాక్‌డౌన్ నిబంధనలు ఉల్లంఘించడంతోపాటు నేరపూరిత ప్రవర్తన కింద కేసులు నమోదు చేశారు.

మరో కేసులో పోలీసులపై అవమానకర రీతిలో వీడియో తీసిన మరో ఇద్దరు మహమ్మద్ షేక్(28), ఆసిఫ్ షేక్(19)ని డోంగ్రీ పోలీసులు అదుపులోకి తీసుకున్నారు. పోలీసులను అవమానిస్తున్నట్లుగా ఉన్న టిక్‌టాక్ వీడియోలు చేసినందుకు ఇద్దరు యువకులను అందరికీ తెలిసేలా భెండి బజార్ ప్రాంతంలో నడిరోడ్డుపై నడిపించుకుంటూ పోలీస్ స్టేషన్‌కి తీసుకొచ్చారు.

Read Also:

LEAVE A REPLY

Please enter your comment!
Please enter your name here