స్టార్ హీరో విజయ్ ప్రధాన పాత్ర, మురుగదాస్ దర్శకత్వంలో వచ్చిన ‘తుపాకీ’ చిత్రం ఎంతటి సంచలన విజయం సాధించిందో ప్రత్యేకంగా చెప్పాల్సిన పనిలేదు.2012లో వచ్చిన ఈ చిత్రం తమిళంతో పాటు తెలుగులోనూ మంచి విజయం సొంతం చేసుకుంది.
సుమారు ఎనిమిదేళ్ల తర్వాత ఈ సినిమాకు సీక్వెల్ తెరకెక్కించే పనిలో పడ్డాడు దర్శకుడు మురుగదాస్. తాజా సమాచారం ప్రకారం ఈ సినిమాలో విజయ్ కి జోడిగా మిల్కీ బ్యూటీ తమన్నా నటించనున్నట్లు తెలుస్తోంది. 2010లో వచ్చిన ‘సుర’ చిత్రంలో విజయ్ – తమన్నాలు కలిసి నటించారు. ఇప్పుడు దాదాపు పదేళ్ల తర్వాత ఈ జోడీ మళ్ళీ మ్యాజిక్ రిపీట్ చేయనున్నట్లు సమాచారం.
మరి ఈ వార్తలో ఎంత వరకు నిజం ఉందో తెలియాలంటే అధికార ప్రకటన వచ్చే వరకు వేచి చూడాలి. విజయ్ ప్రస్తుతం ‘మాస్టర్’ సినిమాలో నటిస్తుండగా.. తమన్నా… సంపత్ నంది, హీరో గోపించంద్‌తో తెరకెక్కిస్తున్న ‘సీటీమార్’లో కబడ్డీ కోచ్ జ్వాలారెడ్డిగా నటిస్తోంది.
