నాని హీరోగా వచ్చిన ‘జెర్సీ’ చిత్రం ఎంతటి ఘన విజయాన్ని సాధించిందో ప్రత్యేకంగా చెప్పాల్సిన పనిలేదు. జీవితంలో తను కన్న కలల్ని సాధించే క్రమంలో ఒక క్రికెటర్ ఎలాంటి కష్టాలు ఎదుర్కొన్నాడు అనే కథాంశంతో వచ్చిన ఈ సినిమా ప్రేక్షకులను ఎంతగానో ఆకట్టుకుంది. ఇదిలా ఉంటే తెలుగులో మంచి విజయాన్ని సొంతం చేసుకున్న ఈ చిత్రాన్ని హిందీలో రీమేక్ చేస్తున్న విషయం తెలిసిందే.
తెలుగులో నాని పోషించిన పాత్రను హిందీలో షాహిద్ పోషిస్తున్నాడు.
ఇదిలా ఉంటే షాహిద్ కపూర్ ఈ సినిమాకు తీసుకుంటున్న రెమ్యూనరేషన్ ఇప్పుడు బాలీవుడ్ లో హాట్ టాపిక్ గా మారింది. షాహీద్ కపూర్ ఈ సినిమా కోసం ఏకంగా రూ. 35 కోట్లు వసూలు చేస్తున్నాడని టాక్. అంతే కాదు ఈ సినిమా లాభాల్లో కూడా వాటా తీసుకోబోతున్నట్లు చెబుతున్నారు. ఈ లెక్కన చూసుకుంటే ఎంతకాదన్న షాహిద్ ఈ సినిమాకు తీసుకుంటున్న రెమ్యూనరేషన్ రూ. 50 కోట్లకు పైమాటే అన్నమాట. తెలుగులో సూపర్ సక్సెస్ అందుకున్న జెర్సీ హిందీలో ఎలాంటి విజయాన్ని అందుకుంటుందో చూడాలి.
