మెగా పవర్ స్టార్ రాంచరణ్ నటించిన రంగస్థలం సినిమా బాక్సాఫీస్ దగ్గర అద్భుతమైన విజయం సాధించింది. రామ్ చరణ్ కెరియర్ లోనే అత్యద్భుతమైన కలెక్షన్ లు, రికార్డులు సృష్టించిన సినిమాగా రంగస్థలం నిలిచిపోనుంది. అయితే ఈ క్రమంలో తన తర్వాత సినిమా కోసం రాంచరణ్ సిద్ధపడుతున్నాడు. ప్రముఖ మాస్ దర్శకుడు బోయపాటి దర్శకత్వంలో తెరకెక్కుతున్న ఈ సినిమాలో తన పాత్రకు తగ్గట్టు శరీరాన్ని మలుచుకుంటున్నాడు చెర్రీ. ఇందుకోసం తన సతీమణి ఉపాసన పర్యవేక్షణలో ప్రత్యేకమైన డైట్ ఫాలో అవుతూ కసరత్తులు చేస్తున్నారు. ‘రంగస్థలం’లో మోటుగా పల్లెటూరి యువకుడిలా కనబడిన చరణ్ ఈ సినిమాలో మాత్రం స్టైలిష్ మెకోవర్లో కనిపించనున్నారు. ఈ సినిమాలో చెర్రీ పక్కన హీరోయిన్ గా కైరా అద్వానీ నటిస్తుంది.