బాహుబలి వంటి బ్లాక్ బస్టర్ హిట్టు కొట్టి దేశంలో ఉన్న అన్ని సిని ఇండస్ట్రీలో పేరు సంపాదించుకున్న ప్రభాస్ తాజాగా సాహో అనే సినిమాను చేస్తున్నాడు. అయితే బాహుబలి తర్వాత చేస్తున్న సినిమా కాబట్టి ప్రస్తుతం ఈ సినిమా మీద భారీ అంచనాలు ఉన్నాయి. అయితే ఈ సినిమా గురించి రోజుకో వార్త బయటకొస్తుంది. ఈ క్రమంలో సాహో సినిమాలో ప్రభాస్ పాత్ర నెగిటివ్ షేడ్ లో ఉంటుందని టాక్. నిజానికి ఈ సినిమాలో ప్రభాస్ పోలీస్ అధికారిగా కనిపిస్తున్నాడు.
అయితే సినిమా మొత్తంలో నెగిటివ్ షేడ్ లో ఉంటుందని చివరిదాకా హీరో మంచోడా .. చెడ్డోడా అన్నది తెలియకుండా దర్శకుడు తెరకెక్కిస్తున్నాడట. ఈ సినిమాను భారీ సాంకేతిక పరిజ్ఞానంతోతెరకెక్కించడం జరుగుతుంది.ప్రస్తుతం ఈ సినిమా షూటింగ్ హైదరాబాద్ పరిసర ప్రాంతాల్లో శరవేగంగా జరుగుతుంది. అయితే ఈ సినిమాను అనేక భాషలలో విడుదల చేయడానికి నిర్మాతలు సన్నాహాలు చేస్తున్నారు.ఈ చిత్రంలో ప్రభాస్ కు జోడిగా బాలీవుడ్ బ్యూటీ శ్రద్ధ కపూర్ హీరోయిన్ గా నటిస్తుంది. ఈ చిత్రాన్ని దీపావళికి విడుదల చేయాలనే ఆలోచనలో ఉన్నారు.
