యూత్‌ లో పవన్‌ కళ్యాణ్‌ కు ఉన్న క్రేజ్‌ గురించి ప్రత్యేకంగా చెప్పాల్సిన పనిలేదు. పవర్‌ స్టార్‌ సినిమాకు సంబంధించి ఏ చిన్న అప్‌ డేట్‌ వచ్చినా సరే అది క్షణాల్లో వైరల్‌ గా మారుతుంది. అలాంటిది ఒకే రోజు మూడు అప్‌ డేట్‌ లు వస్తే.. అవును సెప్టెంబర్‌ 2 పవన్‌ కళ్యాణ్‌ పుట్టిన రోజు సందర్భంగా ఆయన అభిమానులకు ట్రిపుల్‌ ట్రీట్‌ అందనుంది.
‘అజ్ఞాతవాసి’ చిత్రం తర్వాత రాజకీయాల్లో బిజీగా మారిన పవన్‌ కళ్యాణ్‌ తాజాగా మళ్లీ వెండితెర ఎంట్రీ ఇవ్వనున్న విషయం తెలిసిందే. బాలీవుడ్‌ లో మంచి విజయాన్ని సొంతం చేసుకున్న ‘పింక్‌’ రీమేక్‌ ‘వకీల్‌ సాబ్‌’తో పవన్‌ ప్రేక్షకుల ముందుకు రానున్న విషయం తెలిసిందే. ఈ సినిమాపై ఇప్పటికే భారీ అంచనాలు మొదలయ్యాయి.
ఇదిలా ఉంటే సెప్టెంబర్‌ 2 పవన్‌ కళ్యాణ్‌ పుట్టిన రోజున అభిమానుల కోసం మూడు సర్‌ప్రైజ్‌ లు సిద్ధంగా ఉన్నాయి. ఉదయం 9:09 నిమిషాలకు ‘వకీల్‌ సాబ్‌’ చిత్రానికి సంబంధించిన అప్‌డేట్‌, మధ్యా్హ్నం 12:30 నిమిషాలకు పవన్‌ కళ్యాణ్‌ 27వ చిత్రానికి సంబంధించి, సాయంత్రం 4:05 నిమిషాలకు 28వ చిత్రానికి సంబంధించిన వివరాలను ప్రకటించనున్నారు. ఈ లెక్కన చూసుకుంటే పవన్‌ ఏకంగా మూడు సినిమాలతో అభిమానులను ఆకట్టుకోవడానికి సిద్ధమవుతున్నాడన్నమాట..
