కెరీర్ తొలినాళ్ల నుంచి వైవిధ్యభరితమైన పాత్రలను ఎంచుకుంటూ.. తనకంటూ ఓ ప్రత్యేకతను సంపాదించుకున్నాడు నారా రోహిత్. కమర్షియల్ సినిమాలకు దూరంగా ఉండే రోహిత్.. ఎక్కువగా ప్రయోగాత్మక చిత్రాల్లో నటించడానికి ఆసక్తి చూపిస్తాడు.
ఇదిలా ఉంటే రోహిత్ తాజాగా ఇన్ స్టాగ్రామ్ వేదికగా పోస్ట్ చేసిన ఓ ఫోటో తన తదుపరి చిత్రంపై ఆసక్తిని పెంచేసింది. పూర్తిగా గడ్డం లుక్ లో ఉన్న రోహిత్ ఫోటో ఆకట్టుకుంటోంది.
అయితే ఈ కొత్త లుక్ రోహిత్ కొత్త సినిమా కోసమని తెలుస్తోంది. బాణం చిత్రం దర్శకుడు చెైతన్య దంతులూరి దర్శకత్వంలో 1971 కాలంలో యుద్ధం నేపథ్యంలో సాగే ఒక పీరియాడిక్ చిత్రంలో నారా రోహిత్ నటించనున్నాడని సమాచారం. వచ్చే నవంబర్ నుంచి ఈ సినిమా చిత్రీకరణ మొదలుపెట్టాలని ప్లాన్ చేస్తున్నట్లు సమాచారం. ఈ చిత్రానికి సంబంధించిన పూర్తి వివరాలు తెలియాల్సి ఉంది.
https://www.instagram.com/p/CFHGH2pg7tq/