ఒకప్పుడు టాలీవుడ్ ను తన సినిమాలతో ఊపు ఊపిన మెగాస్టార్ చిరంజీవి కొనేళ్లు రాజకీయాల్లో బిజీగా ఉండి మళ్లీ ‘ఖైదీ నెo 150’తో బ్యాక్ ఇజ్ బ్యాక్ అంటూ మళ్లీ ఇండస్ట్రీకి రీఎంట్రీ ఇచ్చి… తన స్టామినా ఏ మాత్రం తగ్గలేదని నిరూపించాడు. ఇక ‘సైరా నర్సింహా రెడ్డి’ తర్వాత.. ప్రస్తుతం కొరటాల శివ దర్శకత్వంలో ‘ఆచార్య’ అనే చిత్రంలో నటిస్తున్నాడు.
ఇదిలా ఉంటే తాజాగా మెగాస్టార్ ఇన్ స్టాగ్రామ్ వేదికగా పోస్ట్ చేసిన ఓ ఫోటో ఇప్పుడు వైరల్ గా మారింది. ఎప్పుడూ స్టైలిష్ హెయిర్ కట్ తో ఉండే చిరు తాజాగా గుండు లుక్ లో దర్శనమిచ్చాడు. అయితే ఈ కొత్త లుక్ ఏ సినిమా కోసమో మాత్రం స్పష్టత ఇవ్వలేదు. అయితే చిరంజీవి కొత్త లుక్ తన తదుపరి చిత్రం ‘వేదాళం’ రీమేక్ కోసమేనని ఓ చర్చ సాగుతోంది. మరి ఎప్పుడూ లేని విధంగా గుండు లుక్ లో చిరు కనిపించడానికి కారణమేంటో తెలియాలంటే మరికొన్ని రోజులు వేచి చూడాలి. ఇక చిరంజీవి ‘వేదాళం’ రీమేక్ తో పాటు… ‘లూసిఫర్’ రీమేక్ లోనూ నటించనున్న విషయం తెలిసిందే.
