సంచలన దర్శకుడు రాం గోపాల్ వర్మ ఎప్పుడూ వివాదాస్పద సినిమాలే తీస్తుంటారు. ప్రముఖ రాజకీయ నాయకుల జీవితాలను ఆదారంగా ఆయన సినిమాలు తీస్తూ వార్తల్లోకక్కుతూ ఉంటారు. అయితే తమిళనాడు రాజకీయాలపై కూడా ఆయన దృష్టి పడింది. తమిళనాడు ఎన్నికలకు ముందే ఈ సినిమా కూడా రిలీజ్ అవ్వబోతోంది.
అవినీతి కేసులో కటకటాల వెనక్కు వెళ్లిన చిన్నమ్మ శశికళ బయోపిక్ తీస్తున్నట్లు వర్మ గత సంవత్సరమే ప్రకటించారు. ఈ సినిమాకు లవ్ ఈజ్ డేంజరస్లీ పొలిటికల్ అన్న క్యాప్షన్తో పోస్టర్ కూడా రిలీజ్ చేశారు. తాజాగా శనివారం నాడు మరోసారి శశికళ సినిమా గురించి ప్రస్తావిస్తూ ” J, S, E, P, S మధ్య ఉన్న బంధాన్ని, వారి రాజకీయ తెరంగ్రేటాన్ని చూపించబోతున్నట్లు చెప్పారు. అంతేకాకుండా ఈ సినిమాను ఎన్నికల క్నా ముందే రిలీజ్ చేస్తామని అన్నారు. ఈ బయోపిక్కు సంబంధించిన ఓ పిక్ను కూడా రిలీజ్ చేశారు. కాగా వర్మ ఇప్పటికే లక్ష్మీస్ ఎన్టీఆర్, అమ్మ రాజ్యంలో కడప బిడ్డలు, పవర్స్టార్, దిశ, నేక్డ్, క్లైమాక్స్, కరోనా వంటి సినిమాలు తీసిన విషయం తెలిసిందే. ఇక ఈ సినిమాపై తమిళనాడులో హై టెన్షన్ నెలకొంది. వర్మ ఈ సినిమాను ఏ విధంగా తెరకెక్కించనున్నారో, అందులో ఏఏ విషయాలు ఉన్నాయో అన్న ఆసక్తి నెలకొంది.