రాజకీయాల్లో బిజీగా మారడం వల్ల కొన్ని నెలలపాటు సినిమాలకు బ్రేక్ ఇచ్చిన పవర్ స్టార్ పవన్ కళ్యాణ్ ఇప్పుడు మళ్లీ బిజీగా మారాడు. వరుస సినిమాలకు సైన్ చేస్తూ దూసుకెళుతున్నాడు. ఇందులో భాగంగా ఇప్పటికే మూడు సినిమాలను లైన్లో పెట్టాడు. ఈ క్రమంలోనే మలయాళంలో సూపర్ హిట్గా నిలిచిన ‘అయ్యప్పనమ్ కోషయం’ సినిమా రీమేక్లో పవన్ నటిస్తున్నాడు. విజయదశమి సందర్భంగా చిత్రాన్ని అధికారికంగా లాంచ్ చేశారు. ఈ సినిమాలో పవన్ పోలీస్ ఆఫీసర్గా కనిపించనున్నాడు. ఇక ఇందులో పవన్తో పాటు మరో హీరోగా రానా దగ్గుబాటి నటించనున్నట్లు తెలుస్తోంది. ఈ విషయమై రానాను ఇప్పటికే చిత్ర యూనిట్ సంప్రదించారని దానికి రానా కూడా సుముఖత వ్యక్తం చేసినట్లు సమాచారం.
ఇక ఇదిలా ఉంటే తాజా సమాచారం ప్రకారం ఈ సినిమాకు క్లాసిక్ టైటిల్ ‘బిల్లా రంగా’ను చిత్ర యూనిట్ ఫైనలైజ్ చేసినట్లు తెలుస్తోంది. అయితే గతంలో చిరంజీవి, మోహన్బాబు నటించిన సినిమాకు ఇదే టైటిల్ ఉండడం విశేషం. దీంతో అన్న టైటిల్ను తమ్ముడు వాడుకుంటున్నాడని ఓ చర్చ జరుగుతోంది. మరి ఇందులో ఎంత వరకు నిజం ఉందో తెలియాలంటే మరికొన్ని రోజులు వేచి చూడాల్సిందే. ఈ సినిమాకు సంబంధించిన పూర్తి వివరాలు తెలియాల్సి ఉంది.