ఇండస్ట్రీలో నాగచైతన్య వరుస సినిమాలతో బిజీగా ఉన్నాడు. ప్రస్తుతం చందు మొండేటి దర్శకత్వంలో ఒక సినిమా, అలాగే మారుతి దర్శకత్వంలో మరొక సినిమా చేస్తున్న నాగచైతన్య ఇటీవల నాని హీరోగా నిన్ను కోరి సినిమా తీసినా శివ నిర్వాణ దర్శకత్వంలో ఓ సినిమా చేయడానికి చైతూ గ్రీన్ సిగ్నల్ ఇచ్చాడు. ఈ సినిమాలో ఆయన సరసన సమంత నటించనుండటం ప్రత్యేకతను సంతరించుకుంది.
ఇక ఈ సినిమా ఇంకా సెట్స్ పైకి వెళ్లకముందే ఓ కొత్త దర్శకుడికి చైతూ ఓకే చెప్పేసినట్టు తెలుస్తోంది. ఈ సినిమా కథ .. తన పాత్ర నచ్చడంతో చైతూ మంచి ఉత్సాహాన్ని చూపించాడని అంటున్నారు. అయితే ఈసినిమాను తన స్వంత బ్యానర్ అన్నపూర్ణ బ్యానర్ లో నటిస్తున్నట్లు తెలుస్తోంది. త్వరలో ఈ సినిమాకి సంబంధించి అధికారిక ప్రకటన వెలువడనుంది.