నందమూరి బాలకృష్ణ తన తండ్రి ఎన్టీరామారావు జీవిత చరిత్ర ఎన్టీఆర్ బయోపిక్ గా తెరమీద ఆవిష్కరిస్తున్ననాడని మనకందరికీ తెలుసు. తేజ దర్శకత్వంలో తెరకెక్కుతున్న ఈ సినిమాలో బాలకృష్ణ ఎన్టీఆర్ పాత్రలో కనిపిస్తున్నాడు. అయితే ఈ సినిమాలో కృష్ణ పాత్రలో సూపర్ స్టార్ మహేష్ బాబు నటిస్తున్నాడని ఇండస్ట్రీలో నుండి వార్తలు వినబడుతున్నాయి. ఇటీవలే ఎన్టీఆర్ సినిమా పూజా కార్యక్రమాలతో అంగరంగ వైభవంగా ప్రారంభం అయిందని మనకందరికీ తెలుసు.ఈ సినిమాలో ఎన్టీఆర్ తో పాటు అప్పట్లో హీరోలుగా క్రేజ్ తెచ్చుకున్న అక్కినేని, కృష్ణ, ఎంజీఆర్ లాంటి వాళ్ళు కూడా కనిపిస్తారట. అందులో ఎంజీఆర్ పాత్రకోసం ఇప్పటికే ఓ నటుడిని ఎంపిక చేసారు. తాజాగా హీరో కృష్ణ పాత్రలో అయన తనయుడు మహేష్ ని నటింప చేయాలనీ తేజ ప్లాన్ చేసాడట. ఈ విషయం పై ఇప్పటికే తేజ, మహేష్ ని సంప్రదించాడని , దానికి మహేష్ కూడా ఓకే అని చెప్పాడని టాక్. ఒకవేళ ఈ సినిమాను నిజంగా మహేష్ నటిస్తే మాత్రం సినిమాకు మరో అదనపు ఆకర్షణ అని చెప్పవచ్చు. మరోవైపు ఈ సినిమాను మాత్రం వచ్చే ఎన్నికల కంటే ముందే విడుదల చేయాలనుకుంటున్నాడు బాలకృష్ణ.
