బాలీవుడ్ టాలెంటెడ్ హీరో సుశాంత్ సింగ్ రాజ్ పుత్ చివరి చిత్రం“దిల్ బేచారా” ఇప్పుడు ఆల్ టైం రికార్డులు కొడుతుంది. సుశాంత్ నిజ జీవితానికి కూడా ఎంతో దగ్గరగా ఉన్న ఈ సినిమాని దర్శకుడు ముఖేష్ చాబ్రా అత్యద్భుతంగా చిత్రీకరించారు. అయితే ఈ సినిమాని డిజిటల్ గా డిస్నీ ప్లస్ హాట్ స్టార్ వారు ఎన్నో కోట్లు పెట్టి కొన్నప్పటికీ ఈ ఒక్క సినిమా అందరికీ అందుబాటులో ఉండేలా ఫ్రీగా స్ట్రీమింగ్ కు తీసుకొచ్చారు.
దీనితో స్ట్రీమింగ్ చరిత్రలోనే ఎనలేని రికార్డు ఈ సినిమా కి వచ్చింది. ఈ సినిమాని స్ట్రీమింగ్ కు తీసుకొచ్చిన 24 గంటలకు ముందే 75 మిలియన్ మంది ఈ చిత్రాన్ని చూసేశారట. ఇది స్ట్రీమింగ్ వరల్డ్ లోనే ఒక రికార్డ్. దీనితో సుశాంత్ చివరి సినిమా ఇండియన్ ఫిల్మ్ హిస్టరీలోని చిరస్థాయిగా నిలిచిపోయింది అని చెప్పాలి.
ఈ టాలెంటెడ్ హీరో జీవించిలేనందున అతనికి గుర్తుగా మన వాళ్ళు ఈ చిత్రాన్ని మన దేశంతో పాటుగా ప్రపంచంలో కూడా ఒక మైల్ స్టోన్ లా నిలబెట్టేసారు.
