సూపర్స్టార్ మహేష్ బాబు గురించి ప్రత్యేకంగా చెప్పాల్సిన అవసరం లేదు. ఆయన చిన్నప్పటి నుంచి సినిమాల్లో రాణిస్తూ వస్తున్నారు. అయితే మహేష్ చిన్నప్పుడు ఎంత క్యూట్గా ఉన్నారో ఇప్పటికీ అదే క్యూట్నెస్ ఆయన మెయింటెయిన్ చేస్తున్నారు. తాజాగా ఆయన ఓ ఫోటో హల్చల్ చేస్తుంది.
కొంత మంది విషయంలో వయసు అనేది కేవలం ఓ నెంబర్ మాత్రమే. వయసు పెరుగుతున్నప్పటికీ వారు మరింత యంగ్గా తయారవుతుంటారు. అలాంటి వారిలో సూపర్ స్టార్ మహేష్ ఒకరు. 45 ఏళ్ల వయసులో కూడా మహేష్ యువకుడిలా కనిపిస్తూ ఆకట్టుకుంటున్నాడు. ప్రముఖ ఫొటోగ్రాఫర్ అవినాష్ గోవారికర్ తీసిన ఓ ఫొటోను మహేష్ తాజాగా ఇన్స్టాగ్రామ్లో పోస్ట్ చేశాడు. ఓ యాడ్ చిత్రీకరణ కోసం తీసిన ఈ ఫొటోలో మహేష్ మరింత స్మార్ట్ లుక్తో ఆకట్టుకుంటున్నాడు. `అవినాష్ గోవారికర్ తీసిన ఫొటోల్లో ఉత్తమమైనదాన్ని ఎంచుకోవడం చాలా కష్టం. కానీ, ఇది నాకు మరింత బాగా నచ్చింద`ని మహేష్ పేర్కొన్నాడు. డైరెక్టర్ పరశురామ్ తెరకెక్కించనున్న `సర్కారు వారి పాట` సినిమాను మహేష్ త్వరలో పట్టాలెక్కించనున్నాడు.