ఉత్తర ప్రదేశ్ లోని హత్రాస్ లో యువతిపై జరిగిన అత్యాచార ఘటన యావత్ భారత దేశాన్ని దిగ్భ్రాంతికి గురి చేసిన విషయం తెలిసిందే. ఓ యువతిని కొంతమంది అత్యంత పాశవికంగా హింసించి, నాలిక కోసి, అత్యాచారానికి తెగబడ్డ ఘటన ప్రతి ఒక్కరినీ కదిలించింది. ఇక బాధితురాలిని రాత్రికి రాత్రే పోలీసుల సమక్షంలో దహనం చేయడంతో విమర్శలు మరింత తీవ్రమయ్యాయి. ఈ క్రమంలోనే యూపీకి చెందిన బీజేపీ ఎమ్మెల్యే సురేంద్ర సింగ్ చేసిన వ్యాఖ్యలపై ఇప్పుడు తీవ్ర వివాదం చెలరేగుతోంది.
యూపీ అత్యాచార సంఘటన గురించి సురేంద్ర సింగ్ మాట్లాడుతూ..’తల్లిదండ్రులు తమ కూతుళ్లకు మంచి విలువలు నేర్పాలని, అప్పుడే ఈ దేశంలో అత్యాచారాలు తగ్గుతాయి’ అని బాధ్యతారాహిత్య వ్యాఖ్యలు చేశారు. దీంతో బాలీవుడ్ లోని కొందరు హీరోయిన్లు ఎమ్మెల్యే మాటలను తీవ్రంగా ఖండించారు. ఈ విషయమై హీరోయిన్ కృతి సనన్ స్పందిస్తూ.. `అత్యాచారానికి గురవకుండా ఎలా ఉండాలో కూతుళ్లకు నేర్పాలా? అతనేం చెప్పాడో అతనికైనా అర్థమైందా? ఇలాంటి ఆలోచనా ధోరణులు మారాలి. కొడుకులకు ఎందుకు కాస్త సంస్కారం నేర్పరు` అని ప్రశ్నించింది.
Teach daughters how to not get raped??? Can he hear himself talk? THIS is the MINDSET that needs to change! Its so messed up! Why can’t they give some sanskaar to their sons??? https://t.co/JXj9Tx6YOe
— Kriti Sanon (@kritisanon) October 3, 2020
