టాలీవుడ్ లో విమెన్ ఓరియెంటెడ్ చిత్రాల్లో సరికొత్త ట్రెండ్ కి శ్రీకారం చుట్టింది నటి అనుష్క. హీరోలతో సమానమైన క్రేజ్ అనుష్క సొంతం. కేవలం సినిమాలతోనే కాకుండా సోషల్ మీడియాలోనూ హవా కొనసాగిస్తోంది స్వీటీ. తాజాగా ఫేస్ బుక్ లో ఫాలోవర్ల విషయంలో అనుష్క రికార్డులు సృష్టించింది.
ఇప్పటి వరకు కాజల్, తమన్నాలకే సాధ్యమైన గుర్తింపు, రికార్డ్ ఇప్పుడు అనుష్కకు కూడా దక్కింది. 23 మిలియన్‌ ఫాలోవర్స్‌ని సాధించి కాజల్, తమన్నాల సరసన చేరింది బొమ్మాలి. తాజా లెక్కల ప్రకారం అనుష్కను ఫేస్‌బుక్‌లో 23 మిలియన్లకుపైగా ఫాలో అవుతున్నారు. ఈ విషయంలో టాప్‌ సెలబ్రిటీలైన రజినీకాంత్‌, ప్రభాస్‌, అల్లు అర్జున్‌ వంటి వారిని బీట్‌ చేసి టాప్‌ ప్లేస్‌ని సొంతం చేసుకుంది.
ఇప్పటి వరకు సోషల్ మీడియాలో అత్యధిక ఫాలోవర్స్, లైక్స్‌ ఉన్న రికార్డ్ కాజల్ పేరిట ఉంది. కాజల్‌కు 2 కోట్ల 35 లక్షల ఫాలోవర్స్-2కోట్ల 34 లక్షల లైక్స్‌ ఉండగా.. అనుష్క 2 కోట్ల 30 లక్షల ఫాలోవర్స్, కోటి 44 లక్షల లైక్స్‌ ఉన్నాయి. ఇక తమన్నా 2 కోట్ల 30 లక్షల ఫాలోవర్స్, కోటి 22 లక్షల లైక్స్‌ ఉండగా, ప్రభాస్‌ ఒక కోటి 90 లక్షల ఫాలోవర్స్, కోటి మంది లైక్స్‌ తో ఉన్నాడు. హీరోయిన్ సమంత 17 మిలియన్‌ ప్లస్ ఫాలోవర్స్, 9 మిలియన్‌ ప్లస్ లైక్స్‌, అల్లు అర్జున్‌ 16 మిలియన్‌ ప్లస్, ఫాలోవర్స్ 13 మిలియన్‌ ప్లస్ లైక్స్‌తో తర్వాతి స్థానాలలో ఉన్నారు.
