మెగాస్టార్ చిరంజీవి సోదరుడుగానే కాకుండా నటుడిగా, నిర్మాతగా తనకంటూ ఓ ప్రత్యేకతను సంపాదించుకున్నాడు మెగా బ్రదర్ నాగబాబు. ఇక కేవలం సినిమాల్లోనే కాకుండా, కొన్ని టీవీ ప్రోగ్రామ్ ల ద్వారా కూడా ప్రేక్షకులను పలకరిస్తున్నాడు నాగబాబు.
https://www.instagram.com/p/CFLwkmCFwhd/
ఇదిలా ఉంటే తాజాగా యూట్యూబ్ వేదికగా కూడా ఈ మెగా బ్రదర్ అభిమానులతో నిత్యం టచ్ లో ఉంటున్నాడు. ‘మన ఛానల్ మన ఇష్టం‘ పేరుతో ప్రారంభించిన ఈ యూట్యూబ్ ఛానల్ ద్వారా పలు అంశాలపై నాగబాబు తన అభిప్రాయాలను అభిమానులతో పంచుకుంటాడు.
ఈ క్రమంలోనే తాజాగా ‘రూ. కోట్లు సంపాదించడం ఎలా‘ అనే అంశంపై నాగబాబు ఓ వీడియోను రూపొందించాడు. ఈ వీడియోను ఈరోజు సాయంత్రం నాలుగు గంటలకు అప్లోడ్ చేయనున్నట్లు ఇన్ స్టాగ్రామ్ ద్వారా తెలియజేశాడు. మరి నాగబాబు చెప్పే ఆ మనీ సీక్రెట్ ఏంటో తెలియాలంటే… వీడియోను చూడాల్సిందే.
