టాలీవుడ్ హీరోయిన్ సమంత తాజాగా తన ఫ్యాన్స్‌ కోసం ఒక బ్యూటీ థెరపీని పరిచయం చేశారు. ఇప్పటివరకూ యోగా, పంటలు, వంటలు అంటూ సందడి చేసిన అక్కినేని వారి కోడలు బ్యూటీ టిప్స్‌తో అభిమానులను ఆకట్టుకుంటున్నారు.
తన రొటీన్‌లైఫ్‌ విశేషాలను సోషల్ మీడియాలో తరచూ షేర్‌ చేసే సమంత విటమిన్ ఇన్‌ఫ్యూషన్ థెరపీ గురించి చెప్పుకొచ్చారు. వంట, తోటపనితో మీలో కొంతమందికి బోర్‌ కొట్టి ఉండవచ్చు అంటూ తాజాగా చర్మ సౌందర్యం, రక్షణ గురించి చర్చించారు. స్కిన్‌ గ్లో కోసం ఈ థెరపీ తనకు చాలా ఉపయోగపడిందన్నారు. అంతేకాదు ‘సమంతా’ కోడ్‌ ద్వారా సదరు క్లినిక్‌లో 25శాతం తగ్గింపు కూడా లభిస్తుందంటూ బంపర్‌ ఆఫర్ ఇచ్చారు.
