విజయ్ దేవరకొండ హీరోగా పూరి జగన్నాథ్ డైరెక్షన్లో ఓ చిత్రం తెరకెక్కుతోన్న సంగతి తెలిసిందే. ఈ చిత్రానికి ‘ఫైటర్’ అనే టైటిల్ ను ఫిక్స్ చేసినట్టు ప్రచారం జరుగుతుంది కానీ.. ఆ టైటిల్ ఫిక్స్ కాదని నిర్మాతలలో ఒకరైన ఛార్మీ తెలియజేసిన సంగతి తెలిసిందే. ఈ చిత్రంలో విజయ్ కిక్ బాక్సర్ గా కనిపించనున్నాడు. హై వోల్టేజ్ యాక్షన్ మరియు ఫ్యామిలీ ఎలిమెంట్స్ తో ఈ చిత్రం సాగుతుందని తెలుస్తుంది. ఓ డాన్ కు మరియు అతని కొడుకుకి ఏర్పడ్డ సంఘర్షనే ఈ చిత్రం కథాంశం అని ఇన్సైడ్ టాక్
ఇక హీరో తండ్రి మరియు డాన్ పాత్ర కోసం.. దర్శకుడు పూరి జగన్నాథ్.. ఏకంగా రజినీకాంత్ విలన్ నే దించేసాడని సమాచారం. ‘దర్భార్’ సినిమాలో విలన్ గా నటించిన సునీల్ శెట్టి.. విజయ్ దేవరకొండ ‘ఫైటర్’ లో హీరో తండ్రిగా అలాగే డాన్ గా కనిపిస్తాడట. ఫ్లాష్ బ్యాక్ లో వచ్చే పదిహేను నిమిషాల ఎపిసోడ్ లో సునీల్ శెట్టి పాత్ర చాలా కీలకంగా ఉంటుందని సమాచారం. ఈ చిత్రాన్ని పాన్ ఇండియా రేంజ్లో రూపొందిస్తున్నారు కాబట్టే.. బాలీవుడ్ సీనియర్ హీరో అయిన సునీల్ శెట్టిని తీసుకున్నట్టు తెలుస్తుంది.
ఇక ఈ చిత్రానికి సంగీత దర్శకుడిగా మొదట మణిశర్మ పేరు వినిపించింది. కానీ ఇప్పుడు మ్యూజిక్ డైరెక్టర్ ను మార్చే ఉద్దేశంతో దర్శకుడు పూరి మరియు సహా నిర్మాత అయిన కరణ్ జోహార్ ప్లాన్ చేస్తున్నట్టు తెలుస్తుంది. ‘డియర్ కామ్రేడ్’, ‘నోటా’ వంటి డిజాస్టర్ లతో రేసులో వెనక్కి పడ్డ విజయ్ దేవరకొండ.. ఈసారి సాలిడ్ హిట్ కొట్టి మళ్ళీ ఫామ్లోకి వస్తాడేమో చూడాలి.
