నిఖిల్ హీరోగా చందు మొండేటి దర్శకత్వంలో తెరకెక్కిన కార్తికేయ సినిమా ఎంతటి సంచలన విజయం సాధించిందో ప్రత్యేకంగా చెప్పాల్సిన అవసరం లేదు. 2014లో చిన్న సినిమాగా విడుదలై.. మంచి విజయాన్ని సొంతం చేసుకుందీ సినిమా. దేవుడు, సైన్స్ ల కథాంశంతో తెరకెక్కిన ఈ సినిమాతో నిఖిల్ సక్సెస్ బాటపట్టాడు. ఈ సినిమా విడుదలైన ఆరు నెలల తర్వాత ఇప్పుడు మళ్లీ ఈ చిత్రానికి సీక్వేల్ ను రూపొందించే పనిలో పడ్డారు.
ఇదిలా ఉంటే తాజా సమాచారం ప్రకారం ఈ సినిమాలో గ్యాంగ్ లీడర్ ఫేమ్ ప్రియాంక అరుల్ మోహన్ కీలక పాత్రలో నటిస్తోందని తెలుస్తోంది. మరి ప్రియాంక ఈ సినిమాలో హీరోయిన్ గా నటిస్తోందా..? లేదా అతిథి పాత్రలో కనిపించనుందా.? తెలియాల్సి ఉంది. ఈ చిత్రాన్ని పీపుల్ మీడియా ఫ్యాక్టరీ పతాకం పై నిర్మాతలు టి.జి.విశ్వప్రసాద్, వివేక్ కూచిభొట్ల నిర్మిస్తున్నారు.
